2007-ci ildən müstəqil ifaçılıq fəailyyəti ilə məşğuldur. “18 Yaşar” adlı ilk kompakt albomu 2008-ci il mayın 3-də işıq üzü görüb. Həmin albomda görkəmli bəstəkarlarımız Vaqif Gərayzadə, Gövhər Həsənzadə, İsa Məlikov, Emin Kərimi, Rəhim Rəhimli, Firuz İsmayılov və digərlərinin mahnıları yer alıb.
İlk albomda yer alan Vaqif Gərayzadənin “Ol” mahnisına və İsa Məlikovun “Mən başqasını sevirəm” mahnısına klip çəkilib.
2008-ci ildə SPACE telekanalında yayımlanan Uşaq və Gənclər yaradıcı heyətinin həyata keçirdiyi “Mən də varam” musiqili-əyləncəli televiziya müsabiqəsinin qalibi olub və 1-ci yerə layiq görülüb.
Azərbaycan Respublikası Gənclər və İdman Nazirliyinin xətti ilə Almaniyada və Rusiya Federasiyasının Dağıstan Respublikasında keçirilən dövlət tədbirlərində ölkəmizi uğurla təmsil edib.
2009-cu il ərzində Bakı Şəhər Gənclər və İdman Baş İdarəsi tərəfindən keçirilən tədbirlərdə iştirak etdiyinə görə diplomla təltif olunub.
2009-cu ildə gənc bəstəkar Tərlan Məmmədhüseynovun “Say” və “Səni sevməyi sevirəm” mahnılarına klip çəkdirib.
2010-cu ilin sentyabrında “Medkartinq” istirahət və əyləncə mərkəzində “Say” adlı ilk solo konsertini verib.
2011-ci il martın 3-də “36.6” adlı ikinci kompakt albomu işıq üzü görüb. Həmin vaxt həvəskar bəstəkar Aysel Quliyevanın “Azərbaycan” adlı mahnısına klip çəkilib. İkinci albomda gənc bəstəkarlar Rüstəm Zeynallı, Hacı Hazim, Tərlan Məmmədhüseynov, Rüfət Əfəndiyev, Aysel Quliyeva və digərlərinin mahnıları yer alıb.
2011-ci ilin 20 avqustunda Araz FM 103.3 radiosunun dəstəyi ilə Nabrandakı “Atlant” istirahət mərkəzində “100-1000” adlı ikinci solo konsertini verib.
Həmin il gənc bəstəkar Tərlan Məmmədhüseynovun “Bilməzdim” hitinə klip çəkdirib.
2011-ci ilin 24 oktyabrında “Həftə içi” gündəlik qəzetinin təsis etdiyi “Zirvədəkilər” mükafatının “Şou biznesdəki uğurlarına görə” nominasiyasına layiq görülüb.
2011-ci ilin 21 dekabrında Azərbaycan Kütləvi İnformasiya Vasitələri İşçiləri Həmkarlar İttifaqı (AzərKİVİHİ) Rəyasət Heyətinin qərarı ilə “Azərbaycan bayrağı” mükafatı ilə təltif olunub.
2011-ci ilin 25 dekabrında Qazax rayonundakı “N” saylı hərbi hissədə Araz FM 103.3 radiosunun və Tovuzdakı TÜRKEL TV-nin dəstəyi ilə əsgərlər qarşısında canlı konsert proqramı ilə çıxış edib. Həmin konsert proqramı TÜRKEL TV-də yayımlanıb.
2011-ci ilin 29 dekabrında “İncilər” Media Qrupun təşkilatçılığı ilə keçirilən sorğunun nəticələrinə görə, “Bilməzdim” mahnısı “İlin mahnısı” nominasiyasında qalib olub.
2012-ci ilin 14 yanvarında “Bilməzdim” mahnısı Araz FM 103.3 radiosu, “HƏZZ” jurnalı və www.bizimbaku.ws saytının birgə təşkil etdiyi “The best of the year loreant” adlı sosial şəbəkədə keçirilən səsvermənin “İlin ən çox dinlənilən mahnısı” nominasiyasının qalibi olub.
2012-ci ilin aprelində sözləri Sami Oruca, musiqisi Rüstəm Qədirova məxsus “Bakıda biri” mahnısını çıxarıb.
2012-ci ilin 07 mayında “Həftə içi” gündəlik qəzetinin təsis etdiyi “Yaxşıların yaxşısı-2012” milli mükafatına layiq görülüb.
2012-ci ilin 09 iyununda “Bakıda biri” mahnısına klip çəkdirib.
2012-ci ilin 13 iyununda “Bilməzdim” mahnısının remix versiyasını çıxarıb.
2012-ci ilin 5 senyabrında “STAR-2012” mükafatı ilə təltif olunub.
2012-ci ilin 15 noyabrında “Film kimi” adlı mahnısını çıxarıb.
2012-ci ilin 26 dekabrında Odlar Yurdu Milli Mükafatının “İlin sevilən gənc müğənnisi” nominasiyasına layiq görülüb.